Vəkillər Kollegiyası (VK) vəkil Şəhla Hümbətova barəsində araşdırma aparılması üçün Baş Prokurorluğa müraciət edib.
“Qafqazinfo”nun verdiyi xəbərə görə, bu barədə VK üzvü Ş.Hümbətova özü məlumat verib. O bildirib ki, Kollegiyanın Rəyasət Heyəti Baş Prokurorluğun Korrupsiyaya qarşı Mübarizə Baş İdarəsinə şikayət edib və onun haqqında araşdırma aparılmasını istəyib:
“Təqdimat mənim Kollegiyadan çıxarılmağıma səbəb olmuş əsaslardan biri – guya məhkəməyə saxta qəbz verməyim iddiası ilə bağlıdır. Belə iddianın heç bir hüquqi əsası yoxdur. Hər hansı cinayət ittihamı və ya vəkillikdən uzaqlaşdırma ilə nəticələnə biləcək fəaliyyətim və hərəkətimdən söhbət gedə bilməz”.
Vəkil əlavə edib ki, onu dekabrın 17-si saat 15-də Baş İdarəyə gedib izahat verməyə çağırıblar.
tv713.az