Mən mübarizədə də sivil, mərd olmağın tərəfindəyəm. Bura təhsil aldığım doğma məktəbimin həyətidir. Təşviqat lövhəsinə nəzər salın. Rəqibim mənə bu şəkildə mesaj verir. Guya sən hətta öz doğma kəndində belə ən aşağı səs toplayacaqsan. Şəkilimi aşağı endiriblər, digər namizədin plakatını da hətta mənim şəklimin üstünə çıxarıblar.
Etikxeber.az xəbər verir ki, bunu 117 saylı Oğuz-Qəbələ Seçki Dairəsindən deputatlığa namizəd, Əməkdar jurnalist Ləman Ələşrəfqızı sosial şəbəkə hesabında qeyd edib.
“Seçki Məcəlləsində təşviqat vasitələrinin cırılması və s müdaxilələr səhv etmirəmsə 600-800 manat cətiməni nəzərdə tutur. Başa düşürəm pulunuz çox ola bilər, amma nüfuzunuz yoxdur. Bəyəm siz bunu görmürsüz? Mən təşviqatın ilkin mərhələsində belə qalibəm. Cılız işlərlə məşğul olmayın, başqa cür fərqlənin”-deyə, o, əlavə edib.
Qeyd edək ki, həmin dairəni hazırda parlamentdə professor, iki dəfə millət vəkili olan YAP-çı Aqiyə Naxçıvanlı təmsil edir və xanım parlamentari 3-cü dəfə deputatlığa namizəddir.
