Bakı şəhərinin Nizami rayonu ərazisindən avtomobil qaçırmaqda şübhəli bilinən şəxs avtomobillə birgə tutulub.
Daxili İşlər Nazirliyinin Mətbuat xidmətindən verilən məlumata görə, Nizami RPİ-nin 23-cü Polis Bölməsinə müraciət edən Bakı şəhər sakini M.İsmayılov aprelin 19-da rayon ərazisindən "Mercedes" markalı avtomobilinin qaçırıldığını bildirib.
Keçirilən əməliyyat-axtarış tədbirləri nəticəsində nəqliyyat vasitəsini qaçırmaqda şübhəli bilinən Ucar rayon sakini, əvvəllər məhkum olunmuş R.Mikayılov Xətai rayonu ərazisində avtomobillə birgə polis əməkdaşları tərəfindən saxlanılıb.
Faktla bağlı araşdırma aparılır.(milli.az)
tv713.az