Fransanın PSJ klubunun Liqa 1-də 2019-2020 mövsümünün çempionu olması rəsmiləşib.
tv713.az "Report"a istinadən xəbər verir ki, 27 turdan 68 xal toplayan paytaxt təmsilçisi qalib elan olunub.
Turnir cədvəlinin son 2 pilləsində qərarlaşan "Amyen" və "Tuluza" Liqa 2-yə düşüb. Əvəzində isə aşağı dəstənin çempionu "Loryan" və 2-ci sırada qərarlaşmış "Lans" elitaya yüksəlib.
Fransanı avrokuboklarda təmsil edəcək komandaların adlarına da aydınlıq gəlib. Yarımçıq dayandırılan mövsümü 2-ci sırada başa vuran "Marsel" PSJ ilə birlikdə Çempionlar Liqasının qrup mərhələsində mübarizə aparacaq. 3-cü sıradakı "Renn" ÇL-in pley-off mərhələsində çıxış edəcək. "Lill", "Reyms" və "Nitsa" isə Avropa Liqasında iştirak hüququ qazanıb.