Bərdədə qəza: polis işçisi öldü, hərbçi yaralandı - Fotolar

Bərdədə ağır yol-nəqliyyat hadisəsi baş verib.

“Qafqazinfo”nun məlumatına görə, hadisə rayonun H.Əliyev prospektində körpünün üzərində olub. Qəza zamanı 1 nəfər ölüb, 2 nəfər xəsarət alıb.

Qəzada ölən şəxs 1983-cü il təvəllüdlü Məmmədov Elgün Elbrus oğludur. O, Tərtər rayon polis şöbəsinin əməkdaşıdır.

Xəsarət alanlardan biri 1991-ci il təvəllüdlü hərbçi Əliyev Asif Firdovsi oğludur. O, Bərdə rayonu Ağalı kənd sakinidir.

Digər yaralı 1989-cu il təvəllüdlü Gəncə şəhər sakini Mustafayev İsa Abış oğludur.

Faktla bağlı araşdırma aparılır.





tv713.az