Bu gün səhər saatlarında Sabunçu rayonunda “Iveco” markalı, “BakuBus” MMC-nin istismarında olan 24 müntəzəm marşrut xətti üzrə 99 JH 246 Dövlət Qeydiyyat Nişanlı avtobusda yanğın hadisəsi olub.
Bu barədə Bakı Nəqliyyat Agentliyinin mətbuat katibi Mais Ağayev məlumat verib.
Onun sözlərinə görə, yanğın zamanı sürücü təlimata uyğun davranaraq dərhal sərnişinləri təxliyə edib. Nəticədə sərnişinlər arasında xəsarət alan olmayıb.
Avtobusdakı yanğın, yanğından mühafizə bölmələri tərəfindən söndürülüb. Hazırda hadisə ilə bağlı müvafiq araşdırmalar aparılır.
tv713.az