MDB ölkələrinin Silahlı Qüvvələrinin Qərargah Rəisləri Komitəsinin növbəti iclası Rusiya Silahlı Qüvvələrinin Baş Qərargahının rəisi, ordu generalı Valeri Gerasimovun sədrliyi ilə bu gün Səmərqənddə (Özbəkistan) keçiriləcək.
TV 713. az TASS-a istinadla xəbər verir ki, bu barədə Rusiya Federasiyası Müdafiə Nazirliyi məlumat yayıb.
"İclasda Azərbaycan, Belarus, Qazaxıstan, Qırğızıstan, Rusiya, Tacikistan, Özbəkistan və Ermənistanın hərbi nümayəndə heyətlərinin, həmçinin MDB İcraiyyə Komitəsinin və birliyin Müdafiə Nazirləri Şurasının Katibliyinin nümayəndə heyətlərinin iştirakı planlaşdırılır", - xəbərdə qeyd edilir.
"MDB üzvləri olan dövlətlərin hərbi nümayəndə heyətlərinin başçıları müdafiə və təhlükəsizlik sahəsində qarşılıqlı maraq kəsb edən əməkdaşlıq məsələləri kompleksini müzakirə edəcəklər, həmçinin MDB ölkələrinin sərhədləri üzrə formalaşan hərbi-siyasi vəziyyət üzrə fikir mübadiləsi aparacaqlar", - Rusiyanın Müdafiə Nazirliyində əlavə ediblər.