Rusiya bu istiqamətə əlavə qüvvələr göndərsə də, Kursk bölgəsində Ukrayna qoşunlarını geri çəkə bilməz.
Tv713.az xəbər verir ki, bu barədə “Faynənşl Tayms”a əməliyyatda iştirak edən Ukrayna hərbçiləri məlumat verib.
Hərbçilər bildiriblər ki, daha dərin ərazilərə doğru irəliləyirlər.
Vurğulanıb ki, Rusiyanın əlavə qüvvələr göndərməsinə baxmayaraq, Ukrayna qoşunları hələ də üstünlüyə malikdir.
Qeyd edək k, Rusiya Müdafiə Nazirliyi döyüş təyyarələri və helikopterlərin Ukrayna texnikasının kolonlarına hücum etdiyini əks etdirən video yayıb. Lakin bəzi video və fotoşəkillər göstərir ki, Ukrayna qoşunları Rusiya ərazisinin dərinliyinə 30 km irəliləyib.