İstanbulun mərkəzi küçələrindən olan İstiqlal küçəsində partlayış baş verib.
Tv 713.az xəbər verir ki, bu barədə Türkiyə mətbuatı məlumat yayıb.
Hadisə yerinə çoxlu sayda yanğınsöndürən və təcili tibbi yardım briqadaları göndərilib.
Yaralıların olduğu bildirilir.
***
İlkin məlumatlara görə, partlayış nəticəsində 11 nəfər yaralanıb. Ölənlərin sayı açıqlanmır. Təhlükəsizlik qüvvələri ərazini mühasirəyə alıb.
***
İstanbulda partlayış nəticəsində 4 nəfər ölüb, 38 nəfər isə xəsarət alıb.
Bu barədə İstanbul valisi Əli Yerlikaya məlumat verib.
***
Baş verən partlayışda 6 nəfər həlak olub, 53 nəfər isə yaralanıb.
Bu barədə Türkiyə Prezidenti Rəcəb Tayyib Ərdoğan mediaya açıqlamasında deyib.
***
Partlayışda yaralananların sayı 81 nəfərə çatıb.
Bu barədə Türkiyənin vitse-prezidenti Fuad Oqtay mediaya açıqlamasında bildirib.
Onun sözlərinə görə, yaralılardan 39-u ambulator müalicəyə buraxılıb.
***
Xəstəxanada müalicə alan 42 yaralıdan 5-i reanimasiyadadır.
Bu barədə Türkiyə səhiyyə naziri Fəxrəddin Qoca məlumat yayıb.
O, 2 nəfərin vəziyyətin xüsusilə ağır olduğunu bildirib.
