Ləyaqətli sülhə nail olmaq üçün atılacaq addımları müzakirə etmək məqsədilə ABŞ-da Ukrayna nümayəndə heyəti ilə Ağ Ev arasında görüş başlayıb.
Tv713.az xəbər verir ki, bu barədə Ukrayna Milli Təhlükəsizlik və Müdafiə Şurasının katibi Rüstəm Umerov sosial şəbəkə hesabında məlumat yayıb.
“Danışıqlar zamanı Ukrayna nümayəndə heyətinin prioritetləri aşağıdakılardır:
- Konstruktiv dialoq;
- Cenevrədə əldə edilən irəliləyiş əsasında danışıqların irəliləməsi;
- Ukrayna maraqlarının qorunması”, - Umerov bildirib.
Qeyd edək ki, Ukrayna nümayəndə heyəti ilə görüşdə ABŞ Dövlət katibi Marko Rubio, Prezidentin xüsusi nümayəndəsi Stiv Uitkoff və Donald Trampın kürəkəni Cared Kuşnerin iştirak edəcəyi bildirilmişdi.
***
ABŞ və Ukrayna nümayəndə heyətləri Floridada keçirilən danışıqlara iki saatlıq fasilə veriblər.
Bu barədə məlumatı Ukrayna mediası yayıb.
Fasilədən sonra tərəflər Ukrayna böhranının həlli yolları üzrə danışıqları davam etdirəcəklər.
***
Floridada ABŞ və Ukrayna arasında danışıqlar raundu məhsuldar oldu, bununla yanaşı yekun nəticə üçün xeyli iş qalmaqdadır.
Bu barədə ABŞ Dövlət katibi Marko Rubio deyib.
“Xeyli iş görülməlidir, lakin bu gün çox məhsuldar və faydalı sessiya oldu. Güman edirəm ki, daha da irəliləyiş əldə edilib”, - deyə o bildirib.
