Şahzadə Harrinin həyat yoldaşı Meqan Markl geriyə boylanmamaq qərarına gəlib. Artıq keçmiş aktrisa tabeçiliyində olan şəxslərlə vidalaşıb.
“Daily Mail” məlumat verir ki, şahzadə Harri kral ailəsinin üzvlüyü statusundan imtina ilə bağlı münaqişəni həll etməyə çalışarkən, onun həyat yoldaşı Kanadada özünə yeni həyat qurmağa qərar verib. Məlum olub ki, Böyük Britaniyanın Vindzor şəhərində təmir edilən evin istifadəyə gərəksiz olduğu üçün işçilər şahzadə titulundan imtina edən cütlük tərəfindən xidmətlərindən azad ediliblər.
Xəbər verilir ki, xidmətlərinə ehtiyac duyulmayan iki xadimə artıq kraliça Elizabetin iqamətgahında işlə təmin ediliblər. Aşpaz, bağban, lakeylər və digər qulluqçuların maaşı ödənilərək işlərindən azad olunublar.
