Meksikada Müdafiə Nazirliyinin patrulu Tamaulipas ştatında hücuma məruz qalıb.
Cebhe.info xəbər verir ki, bu barədə Meksika Müdafiə Nazirliyinin “Twitter” hesabında məlumat verilib.
Bildirilib ki, Tamaulipas ştatının Reynosa-Miqel Aleman şossesi ilə hərəkət edən patrul dəstəsinə silahlı mülki şəxslər hücum edib.
Məlumata əsasən, hadisə zamanı 11 hücum edən şəxs məhv edilib. Toqquşma yerində 11 ədəd “Kalaşnikov” avtomatı və partlayıcı maddənin ələ keçirildiyi bildirilir.
Bu hücumun arxasında hansı cinayətkar birliyin dayana biləcəyi hələ məlum deyil.
Qeyd edək ki, ştat Meksikanın ən təhlükəli regionlarının siyahısına başçılıq edir. İlin başlanğıcından ştat ərazisində 65-dən çox polis əməkdaşı öldürülüb.
