Hər kəs şahiddir ki, bu gün ölkəmiz Bahar fəslinin astanasındadır. Onu da unutmaq olmaz ki, xeyli müddət bundan əvvəldən başlayaraq, Bakı Şəhər Mənzil-Kommunal Təsərrüfatı Departamenti qışın soyuq günlərində hər kəsi heç bir problemlə üz-üzə qoymamaq üçün vaxtında qabaqlayıcı addımlarını atdı. ki, Bu gün də həmin addımlar öz nəticəsini verməkdədir. Ona görə də tam əminliklə qeyd edə bilərik ki, Rəfail Mehralıyevin rəhbərlik etdiyi Bakı Şəhər Mənzil-Kommunal Təsərrüfatı Departamenti və tabeliyində olan qurumlar üzərinə düşən vəzifələrin öhdəsindən bacarıqla gəliblər. Hələ mövsümün lap əvvəlindən qurumun işini müşahidə edərkən aydın olurdu ki, Bakı Şəhər Mənzil-Kommunal Təsərrüfatı Departamentinin rəisi Rafael Mehrəliyev və onun tabeliyində çalışan idarənin əməkdaşları qarşıya qoyulmuş vəzifələrin icrasını yüksək səviyyədə təmin edə biləcəklər. Bu gün isə artıq tam səmimi olaraq deyə bilərik ki, paytaxt sakinləri bu gözləntilərində yanılmadılar.
Məlum olduğu kimi, qurumun əsas fəaliyyəti əhalinin mənzil-kommunal xidmətlərinə tələbatın daha tam ödənilməsi məqsədilə mənzil-kommunal təsərrüfatının təkmilləşdirilməsi, balansında olan mənzil-kommunal sahələrinə rəhbərlik, mənzil fondunun və kommunal təyinatlı obyektlərin istismar səviyyəsinin yüksəldilməsi, abadlaşdırılması, onların qorunması sahəsində tədbirlər görülməsi, şəhərin sanitariya vəziyyətinin normal səviyyədə saxlanılması, qeyri-yaşayış sahələrindən təyinatı üzrə səmərəli istifadə edilməsinin təmin edilməsi, əsaslı tikinti və təmir sahəsində Bakı Şəhər İcra Hakimiyyəti tərəfindən verilmiş səlahiyyətlər dairəsində abadlıq, tikinti, habelə mənzil fondunun və kommunal təyinatlı obyektlərin əsaslı təmiri, modernləşdirilməsi və qurulması, aşınmalara uğramış liftlərin dəyişdirilməsi və texniki xidməti, şəhər yollarının istismarı və cari təmiri, xiyabanların və qəbiristanlıq təsərrüfatının saxlanması və abadlığı, xidmət sahələrinin inventarlarla təchizatının təmin edilməsi, fəvvarələr və yeraltı keçidlərin istismarı və təmiri, şəhərin mənzil-kommunal təsərrüfatı ilə bağlı digər funksiyaların icrasından ibarətdir.
Əlbəttə ki, bütün bu işlərin öhdəsindən layiqli şəkildə gələ bilmək üçün, qurumun fəaliyyəti təcrübəli və səriştəli rəhbər tərəfindən idarə olunmalıdır. Məhz bu baxımdan da Bakı Şəhər Mənzil-Kommunal Təsərrüfatı Departamentinin rəisi Rəfail Mehralıyevin fəaliyyəti öz effektivliyi ilə diqqəti cəlb edir.
Öz növbəmizdə biz də hörmətli Rəfail Mehralıyevi, eləcə də Bakı Şəhər Mənzil-Kommunal Təsərrüfatı Departamentinin və bu qurumun tabeliyində fəaliyyət göstərən bütün müəssisə və təşkilatların kollektivlərini qarşıdan gələn Novruz bayramı münasibətilə səmimi qəlbdən təbrik edirik və onlara doğma Bakımızın daha da gözəlləşməsi naminə gördükləri bütün işlərində yeni-yeni nailiyyətlər diləyirik!
XəbərTv.info
