Koronavirus pandemiyası bütün dünyanı demək olar ki, cənginə alıb. Koronavirusun ölkəmizdə kütləvi yayılmasının qarşısının alınması, əhalinin sağlamlığının qorunması məqsədilə ölkəmizdə xüsusi karantin rejimi tətbiq edildi.
Karantin italyan sözü olub mənası 40 gün deməkdir. Tarixdə ilk dəfə karantin İtaliyada xaricdən gələn gəmilər üçün taun əleyhinə tətbiq edilib. Belə ki, gəmilər limanda 40 gün karantində saxlandıqdan sonra yüklərin ölkəyə buraxılmasına icazə verilib.
Ötən gündən Nazirlər Kabineti yanında operativ qərargah tərəfindən tətbiq edilən karantin rejiminin əsas məqsədi insanları evə təcrid etmək və xəstəliklərdən uzaq tutmaqdır.
Karantin rejimi epidemiya əleyhinə tədbirlər və bu tədbirləri nizamlayan kompleks sistemdir ki, burda məhdudlaşdırmalar nəzərdə tutulub. Xüsusən də insanların bir-biri ilə yaxın təmasının məhdudlaşdırılmasına diqqət yetirilir.
Millət vəkili Bəhruz Məhərrəmov deyir ki, karantin rejimin pozulmasına görə məsuliyyət nəzərdə tutulur və bu məsələdə hər hansı güzəştdən söhbət belə gedə bilməz.
Azərbaycan Konstutusiyasına edilən son dəyişikliklərə görə karantin rejimi ağılabatanlıq prinsipi əsasında tətbiq edilir. Belə ki, Qaydalar ağlabatan, məhdudlaşmalar konkret məqsədə uyğun olmalıdır.
Karantin rejimindən sonra ən ağırlaşdırıcı hal Fövqəladə vəziyyətdir ki, bu isə daha irihəcmli tədbirlər kompleksidir və konstitsuiyanın 112-ci maddəsinə əsasən fövqəladə vəziyyət dövlət başçısı tərəfindən elan edilir.
