Kəmalə Qaramollayeva: "Bədən quruluşuna görə tək-tük müğənnilərdənəm"Müğənni Kəmalə Qaramollayeva xarici görünüşü haqqında sualları cavablayıb.
Sonxeber.az "Ölkə.Az"a istinadən xəbər verir ki, ifaçının yeni videosu sosial şəbəkədə paylaşılıb.
O, "Bədən formasına görə, şou-biznesdə barmaqla sayılacaq müğənnilərdənsən. Bəziləri sənin estetik əməliyyat etdirdiyini deyirlər" iddialarına cavab verib.
"Alnıaçıq deyə bilərəm ki, mənim bədənimdə heç bir estetik əməliyyat, dolğu, silikon yoxdur. Mənim səhifəmə baxanlar bilir ki, mütəmadi idmanla məşğul oluram. İdman, qida əsas bunlardır. Hər kimin iradəsi varsa, bu nəticəyə çata bilər."
Xatırladaq ki, Kəmalə Qaramollayeva bir müddət öncə boşanıb. 2 yaşlı oğlan övladı var.
