Rusiyanın Gümrüdəki 102-ci hərbi bazası Azərbaycan ərazilərinin Ermənistan tərəfindən işğal altında saxlanılmasında heç vaxt vasitəsiçi olmayıb, indi də olmayacaq.
TV 713. az xəbər verir ki, bu sözləri axar.az-a Rusiyanın Plexanov adına Politologiya və sosiologiya kafedrasının dosenti, "Rusiya zabitləri" Ekspert Şurasının üzvü Aleksandr Perenciyev Ermənistanın Baş naziri Nikol Paşinyanın Dağlıq Qarabağda Azərbaycan qoşunlarına qarşı Gümrü hərbi bazadan istifadə haqda bəyanatını şərh edərkən deyib.
“Bəli, Gümrüdəki Rusiya bazası Ermənistanın sərhədləri çərçivəsində bu ölkənin təhlükəsizliyinin mühüm komponentidir, lakin Rusiya Silahlı Qüvvələri rəsmi Bakı ilə Azərbaycan ərazisində silahlı qarşıdurmaya girməyəcək, burada Azərbaycan hərbçiləri öz torpaqlarını erməni işğalından azad etmək üçün hərbi əməliyyatlar aparırlar”, - deyə Perenciyev bildirib.
