Məşhur azərbaycanlı HammAli & Navai dueti ilk dəfə Rusiyanın "Birinci kanal"ının ən reytinqli verlişi olan "Veçerniy Urqant"ın qonağı olub.
beş.az Sputnik Azərbaycan-a istinadən bildirir ki, ifaçıların iştirak etdiyi verilişin çarxı layihəsi "YouTube" sosial şəbəkəsindəki rəsmi saytında yayımlanıb.
Onlar verlişin aparıcısı İvan Urqant tərəfindən musiqili qonaqlar kimi şouya dəvət alıblar. Müğənnilər özlərinin "Notlar" hitini ifa ediblər. Artistləri təqdim edən Urqant HammAli & Navaini möhtəşəm duet adlandırıb və onların inanılmaz populyar olduqlarını deyib.
Reperlər HammAli (Aleksandr Əliyev) və Navai (Nəvai Bəkirov) hazırda bütün postsovet məkanında məşhurdurlar. Onlar Azərbaycanda doğulsalar da, Rusiyada yaşayıb işləyirlər.
Bu musiqiçilər geniş ictimaiyyət qarşısına 2017-ci ildə çıxıblar. Onların ilk hiti "Tı moya ximiya" (Sən mənim kimyamsan) olub və Rusiyada ən çox dinlənən mahnıların Top 20-liyinə düşüb
Onların axırıncı hiti olan "Pustiti menya na tanspol" (Məni rəqs meydançasına buraxın) "YouTube"da 90 milyondan çox baxış toplayıb. Verilişdə ifa etdikləri "Notlar"ı isə 66 milyonadək internet istifadəçisi dinləyib.
Qeyd edək ki, HammAli & Navai "YouTube"da ən çox baxış toplayan azərbaycanlı müğənnilərdir.
