Ermənistanda yenidən zəlzələ olub

Ermənistan ərazisində yenidən 3,7 bal gücündə zəlzələ qeydə alınıb.

Tv 713. az xəbər verir ki, bu barədə Ermənistan fövqəladə hallar nazirliyinin regional seysmik mühafizə xidmətinin seysmoloji mərkəzi məlumat yayıb.

Qeyd olunub ki, 6 fevral, yerli vaxtla saat 00: 06-da Şorza kəndindən beş kilometr məsafədə (İrəvanın 110 kilometr şərqində ) zəlzələ baş verib.

Zəlzələnin dərinliyi 2 kilometr olub, episentrdəki yeraltı təkanların gücü 5 bala çatıb.

Qeyd edək ki, bundan əvvəl Ermənistanda baş verən zəlzələ Azərbaycanda da hiss olunub.