Rusiyalı hərbçilər nəyin bahasına olursa-olsun, öz mövqelərini Xarkov kənarında qorumaq qərarına gəliblər. Bunun üçün əlavə batalyon-taktiki qruplar Belqorod vilayətinə çəkilib.
Tv 713. az xəbər verir ki, bu barədə Müharibə Tədqiqat İnstitutu (ISW) məlumat yayıb.
“Mayın 9-da Pentaqon rəsmisi bildirib ki, Rusiya ordusu şimalda yalnız üç batalyon taktiki qrupunun fəaliyyət göstərməsinə baxmayaraq, Xarkovu şimal və şərqdən at nalı şəklində mühasirəyə almaq səylərini davam etdirir. Ruslar Belqorod vilayətində 19 batalyon taktiki qrupu toplayıblar. Yəqin ki, onlar Ukrayna ordusunun Rusiya ilə sərhədə çatmasının qarşısını almaq üçün Xarkov istiqamətini gücləndirə bilərlər. Son bir həftə ərzində Ukrayna qüvvələri düşməni şərqdə təxminən 48 kilometr geri atıb. Söhbət Volçanski rayonunun Starıy Saltov kəndinin azad edilməsindən gedir. Rusiya mayın 9-da İzyumun cənub-şərqinə və ya cənub-qərbinə hücum etməyib, lakin yaxın günlərdə hücum əməliyyatlarını bərpa etmək üçün lazım olan qüvvələri cəmləşdirməyə çalışır. Eyni zamanda, Rusiya gizlətməkdə davam etdiyi döyüş itkilərinin kompensasiyası ilə bağlı ciddi problemlə üzləşib”, - məlumatda deyilir
