Qətərdə keçirilən dünya çempionatının final oyununda üz-üzə gələcək Argentina və Fransa yığmalarının start heyətləri bəlli olub.
Tv 713.az xəbər verir ki, komandalar meydana aşağıdakı "11-lik"lərlə çıxıblar:
Argentina: Emiliano Martines, Nauel Molina, Kristian Romero, Nikolas Otamendi, Markos Akunya, Anxel Di Mariya, Rodriqo De Paul, Entso Fernandes, Aleksis Makkallister, Lionel Messi, Xulian Alvares
Fransa: Uqo Lyoris (K), Jül Kunde, Rafael Varan, Dayo Upamekano, Teo Ernandes, Adrian Rabyo, Orelyen Çuameni, Antuan Qrizmann, Kilian Mbappe, Usman Dembele, Olivye Jiru
Qeyd edək ki, fransızlar 1998 və 2018-ci illərdə dünya çempionu tituluna sahib çıxıblar.
Argentina seçməsi isə 1978 və 1986-cı illərdə mundialın qalibi olub.
***
23-cü dəqiqədə penaltini dəqiq yerinə yetirən Lionel Messi Cənubi Amerika təmsilçisini önə keçirib: 1 -0
***
Angel Di Maria ikinci qolu rəqibin qapısından keçirib. 2 - 0
***
Fransa fərqi azaldıb, 80-ci dəqiqədə Mbappe penaltını dəqiq yerinə yetirib: 2 - 1
***
Mbappe 82-ci dəqiqədə ikinci topu da rəqibin qapısından keçirdi: 2- 2
***
Qarşılaşmanın əsas vaxtı 2- 2 hesabı ilə başa çatıb.
***
Argentina və Fransa yığmaları arasında keçirilən final matçında əlavə vaxt oynanılıb.
Buna səbəb görüşün əsas vaxtının 2:2 hesablı heç-heçə ilə başa çatıb.
Komandalar qalibi müəyyənləşdirmək üçün əlavə 30 dəqiqə mübarizə aparıblar.
***
109-cu dəqiqədə Lionel Messi "tanqoçular"ı yenidən hesabda önə keçirib: 3:2.
***
118-ci dəqiqədə Mbappe penalti zərbəsi ilə hesabı bərabərləşdirib: 3 - 3. Burada da tarazlıq pozulmadığından penaltilər seriyasından istifadə olunub.
***
Argentina və Fransa yığmaları arasında keçirilən final matçında penaltilər seriyası olub.
***
Qətərdə keçirilən futbol üzrə dünya çempionatının qalibi bəlli olub.
Finalda Fransa yığmasını məğlub edən Argentina millisi üçqat dünya çempionu olub.
Matçın əlavə vaxtında da tarazlıq pozulmadığından penaltilər seriyasından istifadə edilib. Burada daha dəqiq oynayan (4:2) Argentina millisi DÇ-2022-nin qalibi olub.
Qeyd edək ki, Cənubi Amerika təmsilçisi daha əvvəl 1978 və 1986-cı illərdə dünya kubokunu qazanıb.
Argentinanın qələbəsindən sonra səmada argentinalı əfsanəvi futbolçu Dieqo Maradonanın şəklinin proyeksiyası göstərilib.
