Laçın dəhlizinin iş rejimi 2020-ci il 9/10 noyabrda imzalanan Üçtərəfli bəyanata tam uyğun olmalıdır.
Tv 713.az xəbər verir ki, bu sözləri Bakıda səfərdə olan Rusiya xarici işlər naziri Sergey Lavrov Azərbaycan xarici işlər naziri Ceyhun Bayramovla keçirdiyi birgə mətbuat konfransında deyib.
O, məxsusi olaraq vurğulayıb ki, bu, yalnız mülki humanitar yüklərin və mülki şəxslərin sərbəst hərəkətinin təmin edilməsi zərurəti deməkdir:
“Biz təmaslarımızda, ilk növbədə, Rusiya sülhməramlı kontingenti vasitəsilə buna çalışırıq. Burada heç bir keçid məntəqəsinin yaradılması nəzərdə tutulmayıb, lakin dəhlizin faktiki olaraq təyinatı üzrə istifadə edilməsinə dair şübhələri texniki vasitələrlə aradan qaldırmaq mümkündür. Biz bu gün buna toxunduq”, - Lavrov bildirib.
