2024-cü ildə məcburi köçkünlərin kommunal xərclərinə bu qədər ödənilib

Aktual / Siyasət / Sosial / Manset 14-mar, 11:489 tv713 0 0





Keçən il işğaldan azad olunan ərazilərə köçürülən sakinlər də daxil olmaqla cəmi 1 920 məcburi köçkün ailəsi (7 705 nəfər) mənzillə (evlə) təmin olunub.

Tv713. az xəbər verir ki, bu barədə Nazirlər Kabinetinin 2024-cü ildə fəaliyyəti haqqında hesabatında əks olunub.

Hesabat dövrünün sonuna vahid aylıq müavinət alan keçmiş məcburi köçkünlərin sayı 408,4 min nəfər təşkil edib ki, bunlardan da 50,2 min nəfər 33 manat, 358,2 min nəfər isə 60 manat alanlardır.

Bu məqsədlə dövlət büdcəsindən məcburi köçkünlərə ümumilikdə 287,2 mln. manat (o cümlədən 919,1 min manat bank xərcləri) məbləğində vəsait xərclənib.

İl ərzində məcburi köçkünlərin siyahılarında mütəmadi olaraq aparılan dürüstləşmələr nəticəsində müavinət alanların sayı 39,1 min nəfər azalıb ki, bunun da 31 min nəfəri təmas xəttinə yaxın olan ərazilərin payına düşür.

Bundan başqa, ölkə ərazisində ictimai və inzibati binalarda məskunlaşmış məcburi köçkünlərin istifadə etdiyi içməli su, təbii qaz və elektrik enerjisi sərfiyyatına, eləcə də çirkab suların axıdılması və məişət tullantılarının daşınmasına görə keçən il ərzində dövlət büdcəsindən ümumilikdə 18 milyon 925 min 800 manat vəsait kommunal xidmət təşkilatlarının hesabına köçürülüb.

Eyni zamanda dövlət ali və orta ixtisas təhsil müəssisələrinə 2024/2025-ci tədris ilində ödənişli əsaslarla yeni qəbul olan və təhsil xərcləri dövlət tərəfindən qarşılanan məcburi köçkün statuslu tələbələrin sayı ümumilikdə 4 min 271 nəfər təşkil edib.

Həmçinin ötən il məcburi köçkünlərin mənzil-məişət problemlərinin (yararsız hala düşmüş mənzillərdə və fərdi evlərdə təmir işlərinin aparılması, dam örtüyünün dəyişdirilməsi, aztəminatlı məcburi köçkün ailələrinin yataq dəsti və geyimlə təmin olunması) həlli məqsədilə 2854 min manat vəsait xərclənib.
Çap et
Oxşar Xəbərlər
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
yenilə, əgər kod görünmürsə
Sosial şəbəkələr