Bakı Kommersiya Məhkəməsində “Lider TV və Radio-Azərbaycan” MMC-nin müflis elan edilməsindən sonra kanalın aqibəti hər kəsə maraqlı idi.
“MediaPost”un əldə etdiyi məlumata görə, kanalın kabel yayımının 1 sentyabrdan dayanacağı bildirilir. Onun yerinə isə hazırda internet televiziyası kimi fəaliyyət göstərən APA TV yayımlanacaq.
Əvvəlcə tezliyin “Baku” TV tərəfindən alınacağı iddia edilirdi, lakin bunun gerçəkləşmədiyi bildirilir.
Kanalın 1 sentyabrdan işini “Lider” TV-nin tezliyində davam etdirəcəyi gözlənilir.
Qeyd edək ki, “Lider TV və Radio-Azərbaycan” MMC 1998-ci ildə qeydiyyatdan keçib. Şirkətin nəzdində “Lider TV” (1 sentyabr 2000-ci ildən), həmçinin “Radio Lider” fəaliyyət göstərir.
tv713.az
