20-ci əsr ərzində və 21-ci əsrin əvvəllərində İran dövlət ideologiyasını türk ideologiyasından fars-sasani ideologiyasına dəyişdirməyə çalışdı.
Tv713.az xəbər verir ki, bunu Azərbaycanın keçmiş xarici işlər naziri, politoloq Tofiq Zülfüqarov deyib.
“Xarici və daxili oyunçular türk-iran dövlətinin əsrlər boyu davam edən tarixini silməyə çalışdılar. 1979-cu il inqilabından sonra, artıq “kazak Pəhləvi sülaləsi”nin (Fars Kazak Briqadası 19-cu əsrdə Rusiya İmperiyasının dəstəyi ilə yaradılmış və İran siyasətində mühüm rol oynamış, eləcə də Rza şahın hakimiyyətə gəlməsində onurğa sütunu olmuşdu - red.) ideoloqlarını əvəz edən yeni nəsil antitürk teokratik ideoloqlar bu işi davam etdirərək, təbliğatlarında dini aspektlərdən istifadə etdilər. Məsələn, Peyğəmbərin nəvəsindən bəhs edərkən həmişə onun həyat yoldaşının kral ailəsindən olduğu qeyd olunurdu. Dünən antitürk ideologiyasının ən vacib fiqurlarından biri aradan qaldırıldı və bu, elita daxilində dominantlıq uğrunda mübarizədə yeni bir mərhələ açdı. “Pəhləviçilərin” daha da aktivləşdiyi güman edilir...” - o bildirib.
Qeyd edək ki, ötən gün İran Təhlükəsizlik Şurasının katibi Əli Laricani İsrailin hava zərbələri nəticəsində ölüb.(axar.az)
